مامۆستایەکێ زانکۆیا زاخۆ سەرەدانا زانکۆیا نوتینگهام ل وەڵاتی بریتانیا کر

Published Date: Monday, 21 July 2025, 14:40

سەرۆکێ پشکا فیزیک ل زانکۆیا زاخۆ بەرێز (پ.هـ.د. دلیر عادل جمیل) سەرەدانا لابورێن پشکا فیزیک ل زانکۆیا نوتینگهام ل ولاتێ بریتانیا کر، ژ بۆ ئینانا چەندین ئامیرێن پێشکەفتی ل لابورێن پشکا فیزیک ل زانکۆیا نوتینگهام، وەکو دیاری ژلایێ زانکۆیا نوتینگهام  و پرۆفیسور (د. محمد هنینی) بۆ (پ.هـ.د. دلیر عادل).
هەژیە بێژین (پ.هـ.د. دلیر عادل) قوتابیێ دکتۆرایێ بوو ب سەرپەرشتیا پرۆفیسور (د. محمد هنینی) هەروەسا وەکو ڤەکۆلەر و مامۆستایێ کارکریێ ل زانکۆیا نوتینگهام بوو، بۆ دەمێ چەندین ساڵان و هەتا نوکە یێ بەردەوامە ل سەر کارێ ڤەکۆلینێن زانستی لگەل (د. محمد هنینی) وتیمێ زانکۆیا ناڤبری.
ئەڤ ئامیرێن پێشکەفتی ب سەرپەرشتیا سەرۆکێ پشکا فیزیک، وەکو لابورەکا سەردەمیانە بۆ پشکا فیزیک خواندنا بلند دێ هێنە دانان و بکارئینان، ژ بۆ ئەنجامدان و بەلاڤکرنا ڤەکۆلینێن ئاست بلند و پێشکەفتی ل سەر ئاستێ جیهانێ. ئەڤ لابە دێ بیتە پرەک دناڤبەرا زانکۆیا زاخۆ و زانکۆیا نوتینگهام ل وەلاتێ بریتانیا بۆ پاشەڕۆژێ ژلایێ ڤەکۆلینان و خواندنا بلند.